ლეო მესი ისევ ყურადღების ცენტრშია, მიზეზი კი ფლორენტინო პერესის გარშემომყოფების მიერ გავრცელებული ჭორებია.
დაახლოებით ერთი თვის წინ მადრიდის
”რეალის” ყოფილმა სპორტულმა დირექტორმა იტალიელმა არიგოს საკიმ განაცხადა
რომ დონ ფლორენტინო არჩევნებში გამარჯვების შემთხვევაში ”ბარსადან” ლეო
მესის შეიძენდა. არიგოს ამ განცხადებას მაშინ დიდი აურზაური და ისტერიკა
მოყვა ესპანურ პრესაში. თუმცა ლეომ მაშინ გარკვევით განაცხადა რომ ეს
ყველაფერი სისულელე იყო და იგი არასდროს ითამაშებს ”რეალში”.მესის ამ
განცხადების შემდეგ სიტუაცია დაწყნარდა და საკმაო ხნის განმავლობაში
არაფერი ახალი არ გავრცელებულა პრესაში.
და აი გუშინ ჭორების ახალი ტალღა აგორდა. გაზეთებში ისევ იწერება მესის
შესაძლო გადაბარგებაზე. ”ბარსელონადან” ”რეალში” გადასვლა იმდენად
მტკივნეული საკითხია რომ ეს ახალი ტალღა უხმაუროდ არ დარჩებოდა.
შესაბამისად კატალონიელმა ჟურნალისტებმა ”ბარსას” პრესსამსახურს მოსთხოვეს
სასწრაფო პრესკონფერენცია მოეწყოთ ლეო მესისთვის. . საზოგადოებასთან ურთიერთობის სამსახურმა უმალვე დააკმაყოფილა
ჟურნალისტების მოთხოვნა და მესიც ჟურნალისტებს შეხვდა. რა თქმა უნდა
კითხვა ყველასგან ერთი იყო, გადადის თუ არა მესი ”რეალში”? მესიმ
კატალონიელთათვის სასიამოვნო და მოსალოდნელი განცხადება გააკეთა: ”დიდი
ბოდიში მაგრამ ამ ყველაფერს რო ვუსმენ მეცინება და ხუმრობის ხასიათზე
ვდგები. ვერ ვხვდები ამდენი ოპტიმიზმი სენიორ პერესს საიდან აქვს, ძალიან
მიკვირს როდესაც ჩემზე მსგავსი ჭორები იწერება და თან დარწმუნებით
ამტკიცებენ ჟურნალისტები რომ ეს ყველაფერი გადაწყვეტილია. მინდა
განვაცხადო რომ მესი ”რეალში” არ გადავა, ეს ისევე გამორიცხულია როგორც
”ბარსელონას” ”რეალად” გადაქცევა. ”ნოუ კამპზე” ბედნიერი ვარ და არსად
წასვლას არ ვაპირებ. ერთ-ერთ გაზეთში ეწერა რომ პერესი მესის იმაზე მეტს
გადაუხდის ვიდრე ”ბარსელონა” უხდისო, ფული მნიშვნელოვანია მაგრამ ის
სიკეთე რაც ”ბარსელონამ” ჩემს მიმართ გამოხატა არ იყიდება და ფულით ამ
ყველაფერს ვერ იყიდიან. სენიორ პერესს ვერანაირ თანხად ვერ მიყიდით,
შესაბამისად ”რეალში” არასდროს არ გადმოვალ. არ მიყვარს ესეთი რადიკალური
განცხადებების გაკეთება, თუმცა ზოგჯერ სხვა გზა უბრალოდ არ არის. პერესი
ჩემზე იმედია დროს არ დაკარგავს და თავს ნუ შეიწუხებს, მე სამეფო კლუბში
გადამსვლელი კაცი არ ვარ!!!”.